Културна дипломатија

Вид дипломатска активност или мисија којашто промовира и шири идеи, уметност, јазик или културна оставнина, со цел да го зголеми разбирањето и довербата кај другите и, воопшто, да го поттикне меѓукултурното разбирање. Целта на културната дипломатија е да ги претстави духовните и културните достигнувања на својата заедница, за да обезбеди поддршка и помош. Оттаму, таа им помага на земјите да го зголемат и да го подобрат својот углед; преку претставување на својот јазик, литература, образование и други духовни области, државата може да го поттикне позитивното мислење кај другите за својот народ и да го подобри и своето влијание во меѓународната заедница.