Когнитивен

Сознаен, спознаен; којшто се однесува на мислењето, помнењето, на способноста за забележување, анализирање, синтетизирање, решавање проблеми. Медиумските содржини коишто ги надминуваат еднонасочните линиски пораки од коишто се преземаат готови информации ги поттикнуваат менталните способности на три нивоа – мисловно, искуствено и сетилно. Разумното користење на социјалните мрежи позитивно влијае на социјалното сознание, т.е. на способноста да се сочуваат сопствениот самоконцепт и самопочитта. Разни медиумски содржини од образовен и воспитен карактер ги развиваат сознајните процеси кај децата.