Dhoma e jehonës

Gjendje e cila krijohet nën ndikimin e algoritmeve të programuara kompjuterike, që i caktojnë informacionet që i pranojmë. Ky proces është i lidhur ngushtë me aktivitetet tona online, kërkimet në internet dhe përbën një lloj të personalizimit të automatizuar të informacioneve. “Dhoma e jehonës” është fluskë informacioni që shënon një sistem të mbyllur të komunikimit me informacione, i cili mund të pamundësojë që përdoruesi i përmbajtjeve mediatike të ekspozohet ndaj më shumë pikëpamjeve të ndryshme në temën e njëjtë. Në këtë mënyrë përforcohen bindjet dhe qëndrimet personale.