Порака

Податок или содржина којашто може да се добие, пристапи, зачува и повторно да се употреби. Пораката е форма на комуницирање на информации, чувства, идеи коишто се пренесуваат во одреден процес на комуникација. Според Роман Јакобсон, јазикот е средство за комуникација, а моделот што тој го нуди да го опише процесот на комуникација се состои од шест компоненти: испраќач, примач, порака, канал, код и контекст. Пораката е парче информација која ја испраќа едно лице (испраќач, адресант) до друго лице (примач, адресат), создадена во одреден код (јазик), испратена преку одреден канал (вербална или невербална комуникација) во одреден контекст.